ਐਸ ਏ ਐਸ ਨਗਰ : ਨਗਰ ਨਿਗਮ ਵਲੋਂ ਸਥਾਨਕ ਫੇਜ਼ 3 ਬੀ 2 ਦੀ ਬੂਥ ਮਾਰਕੀਟ ਵਿੱਚ ਢਾਬੇ ਵਾਲਿਆਂ ਵਲੋਂ ਮਾਰਕੀਟ ਦੀ ਪਾਰਕਿੰਗ ਵਿੱਚ ਗਾਹਕਾਂ ਨੂੰ ਰੋਟੀ ਖਵਾਉਣ ਲਈ ਲਗਾਏ ਗਏ ਟੇਬਲ ਆਦਿ ਚੁਕਵਾ ਦਿੱਤੇ ਗਏ।ਨਗਰ ਨਿਗਮ ਦੇ ਇੰਸਪੈਕਟਰ ਵਰਿੰਦਰ ਕੁਮਾਰ ਨੇ ਦੱਸਿਆ ਕਿ ਬੂਥ ਮਾਰਕੀਟ ਵਿੱਚ ਢਾਬੇ ਵਾਲਿਆਂ ਵੱਲੋਂ ਪਾਰਕਿੰਗ ਦੀ ਥਾਂ ਵਿੱਚ ਮੇਜ ਕੁਰਸੀਆਂ ਲਗਾ ਕੇ ਕਬਜ਼ਾ ਕੀਤਾ ਹੋਇਆ ਸੀ ਜਿਸ ਕਰਕੇ ਮਾਰਕੀਟ ਵਿੱਚ ਆਉਣ ਵਾਲਿਆਂ ਨੂੰ ਵਾਹਨ ਖੜ੍ਹੇ ਕਰਨ ਦੀ ਪ੍ਰੇਸ਼ਾਨੀ ਆਉਂਦੀ ਸੀ ਅਤੇ ਨਿਗਮ ਦੀ ਟੀਮ ਵਲੋਂ ਇਨ੍ਹਾਂ ਨਾਜਾਇਜ਼ ਕਬਜ਼ਿਆਂ ਨੂੰ ਹਟਾ ਦਿੱਤਾ ਗਿਆ। ਉਹਨਾਂ ਕਿਹਾ ਕਿ ਨਿਗਮ ਦੀ ਇਹ ਕਾਰਵਾਈ ਲਗਾਤਾਰ ਜਾਰੀ ਰਹੇਗੀ।