ਪਟਿਆਲਾ : ਪਟਿਆਲਾ ਵਿਖੇ ਕਿਸਾਨਾਂ ਵਲੋ ਰੋਸ ਮੁਜ਼ਾਹਰੇ ਦੌਰਾਨ ਕਿਸਾਨਾਂ ਤੇ ਪੁਲਿਸ ਵਿਚਕਾਰ ਝੜਪ ਹੋਈ ਸੀ। ਟਰੈਕਟਰ ਉਤੇ ਸਵਾਰ ਕਿਸਾਨਾਂ ਨੇ ਮੁੱਖ ਮੰਤਰੀ ਦਾ ਮਹਿਲ ਘੇਰ ਲਿਆ ਸੀ। ਇਸ ਰੋਸ ਪ੍ਰਦਰਸ਼ਨ ਦਾ ਕਾਰਨ ਸੀ ਕਿ ਜ਼ਮੀਨਾਂ ਐਕਵਾਇਰ ਹੋ ਰਹੀ ਹੈ ਅਤੇ ਇਹ ਜ਼ਮੀਨ ਕਟੜਾ ਐਕਪ੍ਰੈਸ ਵੇਅ ਲਈ, ਲਈ ਜਾਣੀ ਸੀ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਬੇਸ਼ੱਕ ਜ਼ਮੀਨ ਲੈ ਲਓ ਪਰ ਸਾਨੂੰ ਜ਼ਮੀਨ ਦਾ ਮੁੱਲ ਮਾਰਕੀਟ ਰੇਟ ਅਨੁਸਾਰ ਮਿਲੇ। ਭਰੋਸਾ ਮਿਲਣ ਮਗਰੋ ਕਿਸਾਨ ਬੇਸ਼ੱਕ ਪਿਛੇ ਹਟ ਗਏ ਹਨ ਪਰ ਕਿਸਾਨਾਂ ਨੇ ਇਹ ਸਾਫ਼ ਕਰ ਦਿਤਾ ਹੈ ਕਿ ਜਦੋ ਤਕ ਸਾਨੂੰ ਜ਼ਮੀਨ ਦਾ ਮੁੱਲ ਮਾਰਕੀਟ ਰੇਟ ਅਨੁਸਾਰ ਨਹੀ ਮਿਲਦਾ ਇਹ ਸੰਘਰਸ਼ ਜਾਰੀ ਰਹੇਗਾ।