ਪੰਜਾਬੀ ਜਗਤ ਨਾਲ਼ ਸੰਬੰਧਤ ਪ੍ਰਸਿੱਧ ਥੀਏਟਰ ਅਤੇ ਸਿਨੇਮਾ ਸ਼ਖ਼ਸੀਅਤ ਸ੍ਰੀ ਲਲਿਤ ਬਹਿਲ ਦੇ ਅਕਾਲ ਚਲਾਣੇ ਉਪਰ ਪੰਜਾਬੀ ਯੂਨੀਵਰਸਿਟੀ ਵਿਚਲੇ ਕਲਾ ਨਾਲ਼ ਸੰਬੰਧਤ ਵਿਭਾਗਾਂ ਵਲੋਂ ਗਹਿਰਾ ਦੁਖ ਪ੍ਰਗਟਾਇਆ ਗਿਆ। ਜ਼ਿਕਰਯੋਗ ਹੈ ਕਿ ਸ੍ਰੀ ਬਹਿਲ ਅਦਾਕਾਰ, ਨਿਰਦੇਸ਼ਕ, ਪ੍ਰੋਡਿਊਸਰ ਅਤੇ ਲੇਖਕ ਵਜੋਂ ਕਲਾ ਦੀ ਦੁਨੀਆਂ ਵਿੱਚ ਕਾਰਜਸ਼ੀਲ ਸਨ। ਡੀਨ ਆਰਟਸ ਫੈਕਲਟੀ ਡਾ. ਯਸ਼ਪਾਲ ਸ਼ਰਮਾ ਅਤੇ ਮੁਖੀ, ਥੀਏਟਰ ਵਿਭਾਗ ਡਾ. ਜਸਪਾਲ ਦਿਓਲ ਵਲੋਂ ਇਸ ਸੰਬੰਧੀ ਸ਼ੋਕ ਪ੍ਰਗਟਾਉਂਦਿਆਂ ਕਿਹਾ ਗਿਆ ਕਿ ਉਨ੍ਹਾਂ ਦੇ ਅਕਾਲ ਚਲਾਣੇ ਨਾਲ਼ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ।