ਮਾਲੇਰਕੋਟਲਾ : ਪੀ.ਐਸ.ਪੀ.ਸੀ.ਐਲ. ਵਿੱਚ ਕੰਮ ਕਰਦੇ ਮੁਲਾਜ਼ਮ ਮਨਪ੍ਰੀਤ ਸਿੰਘ ਜਿਸ ਦੀ ਕਰੰਟ ਲੱਗਣ ਕਾਰਨ ਮਿਤੀ 07-12-2023 ਨੂੰ ਮੌਤ ਹੋ ਗਈ ਸੀ, ਐਚ.ਡੀ.ਐਫ.ਸੀ. ਬੈਂਕ ਵੱਲੋਂ ਸੈਲਰੀ ਖਾਤੇ ਤੇ ਪਰਿਵਾਰ ਨੂੰ 50 ਲੱਖ ਰੁਪਏ ਦਾ ਚੈਕ ਦੇ ਕੇ ਮਾਲੀ ਮਦਦ ਕੀਤੀ ਗਈ। ਜਿਸ ਵਿੱਚ ਕਮਲ ਕੱਕੜ (ਕਲੱਸਟਰ ਹੈੱਡ), ਸੁਮਿਤ ਪਿਪਲਾਨੀ ਬ੍ਰਾਂਚ ਮੈਨੇਜਰ, ਸਤਵਿੰਦਰ ਸਿੰਘ ਰਿਲੇਸ਼ਨਸ਼ਿੱਪ ਮੈਨੇਜਰ ਵੱਲੋਂ ਐਕਸੀਅਨ ਹਰਵਿੰਦਰ ਸਿੰਘ ਧੀਮਾਨ ਦੀ ਹਾਜ਼ਰੀ ਵਿੱਚ ਪਰਿਵਾਰ ਨੂੰ ਚੈਕ ਸੌਂਪਿਆ ਗਿਆ। ਜੱਥੇਬੰਦੀ ਮੁਲਾਜ਼ਮ ਯੂਨਾਈਟਿਡ ਔਰਗੇਨਾਈਜ਼ੇਸ਼ਨ ਵੱਲੋਂ ਐਚ.ਡੀ.ਐਫ.ਸੀ. ਬੈਂਕ ਅਤੇ ਮਾਲੇਰਕੋਟਲਾ ਐਚ.ਡੀ.ਐਫ.ਸੀ. ਬੈਂਕ ਬ੍ਰਾਂਚ ਮੈਨੇਜਰ ਜੀ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ’ਤੇ ਐਸ.ਡੀ.ਓ. ਰਜਿੰਦਰ ਸਿੰਘ, ਜੇ.ਈ. ਸਾਹਿਬਦੀਪ ਸਿੰਘ, ਜੇ.ਈ. ਸ਼ਹਿਜ਼ਾਦ ਅਤੇ ਜੇ.ਈ. ਨਿਰਮਲ ਸਿੰਘ ਸੋਹੀ ਅਤੇ ਜੱਥੇਬੰਦੀ ਆਗੂ ਡਵੀਜ਼ਨ ਪ੍ਰਧਾਨ ਸਾਬਰ ਅਲੀ, ਜਸਵੀਰ ਸਿੰਘ, ਹਰਵਿੰਦਰ ਸਿੰਘ, ਜਗਸੀਰ ਸਿੰਘ ਅਤੇ ਸੁਰਿੰਦਰਪਾਲ ਸਿੰਘ ਮੌਜੂਦ ਸਨ।