ਹੁਣ ਗ਼ਲਤ ਜਾਣਕਾਰੀ ਦੇਣ ਵਾਲਿਆਂ 'ਤੇ ਗੂਗਲ ਕੱਸੇਗਾ ਨਕੇਲ

ਨਵੀਂ ਦਿੱਲੀ : ਜਦੋਂ ਕੋਈ ਜਣਾ ਗੂਗਲ ਉਤੇ ਕੁੱਝ ਵੀ ਸਰਚ ਕਰਦਾ ਹੈ ਤਾਂ ਬਹੁਤੀ ਵਾਰ ਗ਼ਲਤ ਲਿੰਕ ਸਾਹਮਣੇ ਆ ਜਾਂਦੇ ਹਨ ਪਰ ਹੁਣ ਇਸ ਤਰ੍ਹਾਂ ਨਹੀਂ ਹੋਵੇਗਾ। ਇਸੇ ਸਬੰਧ ਵਿਚ ਹੁਣ ਗੂਗਲ ਨੇ ਆਪਣੇ ਬਲਾਗ ਪੋਸਟ ’ਚ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆ ਹੈ ਕਿ ਗੂਗਲ ਸਰਚ ’ਤੇ ਆਧਾਰਿਤ ਉਸ ਟਾਪਿਕ ਦੇ ਨਵੇਂ ਹੋਣ ਦੀ ਜਾਣਕਾਰੀ ਜਾਂ ਅਲਰਟ ਯੂਜ਼ਰਸ ਨੂੰ ਦਿੱਤਾ ਜਾਵੇਗਾ।ਇਸ ਅਪਡੇਟ ਦਾ ਉਦੇਸ਼ ਗਲਤ ਜਾਣਕਾਰੀ ਅਤੇ ਅਫਵਾਹਾਂ ’ਤੇ ਰੋਕ ਲਗਾਉਣਾ ਹੈ। ਦਰਅਸਲ ਗੂਗਲ ਵੱਲੋਂ ਆਪਣੇ ਸਰਚ ਇੰਜਣ ਵਿੱਚ ਲਗਾਤਾਰ ਸੁਧਾਰ ਕੀਤਾ ਜਾ ਰਿਹਾ ਹੈ ਤਾਂ ਜੋ ਕਿ ਇਸ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਕੋਈ ਪਰੇਸ਼ਾਨੀ ਨਾ ਆਵੇ। ਗੂਗਲ ਸਰਚ ਨਤੀਜਿਆਂ ’ਚ ਸ਼ੋਅ ਹੋ ਰਹੀ ਸਾਰੀ ਜਾਣਕਾਰੀ ਸਹੀ ਨਹੀਂ ਹੁੰਦੀ। ਇਸੇ ਲਈ ਗੂਗਲ ਹਰ ਟਾਪਿਕ ’ਤੇ ਦਿਨ ਪ੍ਰਤੀ ਦਿਨ ਅਪਡੇਟਸ ਜਾਰੀ ਕਰਦੀ ਹੈ ਅਤੇ ਇਸ ਸਰਵਿਸ ਨੂੰ ਬਿਹਤਰ ਬਣਾਉਣ ਲਈ ਗੂਗਲ ਹੁਣ ਇਸ ਵਿਚ ਵੱਡੀ ਅਪਡੇਟ ਕਰਨ ਵਾਲੀ ਹੈ। ਇਸ ਅਪਡੇਟ ਤੋਂ ਬਾਅਦ ਸਰਚ ਇੰਜਣ ਯੂਜ਼ਰਸ ਨੂੰ ਖੁਦ ਅਲਰਟ ਕਰ ਦੇਵੇਗਾ ਕਿ ਨਤੀਜੇ ਪੇਜ ਤੇ ਦਿਸਣ ਵਾਲੇ Links ਭਰੋਸਾ ਕਰਨ ਯੋਗ ਹਨ ਜਾਂ ਉਨ੍ਹਾਂ ’ਚ ਕੋਈ ਬਦਲਾਅ ਕੀਤਾ ਗਿਆ ਹੈ। ਆਉਣ ਵਾਲੇ ਸਮੇਂ ’ਚ ਗੂਗਲ ’ਤੇ ਸਰਚ ਕਰਦੇ ਸਮੇਂ ਯੂਜ਼ਰ ਨੂੰ ਇਕ ‘About this Result Panel’ ਨਾਂ ਦੀ ਆਪਸ਼ਨ ਦਿਸੇਗੀ। ਇਸ ਤਹਿਤ ਯੂਜ਼ਰ ਨੂੰ ਦੱਸਿਆ ਜਾਵੇਗਾ ਕਿ ਨਤੀਜਿਆਂ ’ਚ ਵਿਖਾਈ ਜਾਣ ਵਾਲੀ ਜਾਣਕਾਰੀ ਦੇ ਸੋਰਚ ਕੀ ਹਨ। ਇਸ ਤਰ੍ਹਾਂ ਯੂਜ਼ਰਸ ਨੂੰ ਭਰੋਸਾ ਦਿਵਾਇਆ ਜਾਵੇਗਾ ਕਿ ਉਨ੍ਹਾਂ ਨੂੰ ਵਿਖਾਈ ਜਾ ਰਹੀ ਜਾਣਕਾਰੀ ਸਹੀ ਅਤੇ ਭਰੋਸੇਯੋਗ ਹੈ।