ਰਾਹਤ ਫਤਿਹ ਅਲੀ ਖਾਨ ਨੇ ਨੌਕਰ ਦੀ ਕੁੱਟਮਾਰ,‘ਤੇ ਦਿੱਤਾ ਸਪੱਸ਼ਟੀਕਰਨ

ਪਾਕਿਸਤਾਨੀ : ਪਾਕਿਸਤਾਨੀ ਗਾਇਕ ਰਾਹਤ ਫਤਿਹ ਅਲੀ ਖਾਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਉਹ ਇੱਕ ਵਿਅਕਤੀ ਨੂੰ ਕੁੱਟਦੇ ਹੋਏ ਨਜ਼ਰ ਆ ਰਹੇ ਹਨ। ਹੁਣ ਇਸ ਵੀਡੀਓ ਦੇ ਵਾਇਰਲ ਹੋਣ ਤੋੋਂ ਬਾਅਦ ਰਾਹਤ ਫਤਿਹ ਅਲੀ ਖਾਨ ਨੇ ਸਪੱਸ਼ਟੀਕਰਨ ਦਿੱਤਾ ਹੈ। ਗਾਇਕ ਨੇ ਕੁੱਟਣ ਵਾਲੇ ਵਿਅਕਤੀ ਨੂੰ ਆਪਣਾ ਚੇਲਾ ਦੱਸਿਆ ਹੈ।
ਵੀਡੀਓ ਵਿੱਚ ਰਾਹਤ ਫਤਿਹ ਅਲੀ ਖਾਨ ਇੱਕ ਆਦਮੀ ਦੇ ਵਾਲ ਫੜਦਾ ਹੈ ਅਤੇ ਉਸਨੇ ਹੱਥ ਵਿੱਚ ਚੱਪਲ ਜਾਂ ਬੋਤਲ ਨਾਲ ਉਸਦੇ ਸਿਰ ‘ਤੇ ਜ਼ੋਰ ਨਾਲ ਮਾਰਦਾ ਹੈ । ਉਹ ਬੰਦਾ ਭੱਜ ਜਾਂਦਾ ਹੈ। ਉਨ੍ਹਾਂ ਨੇ ਬੋਤਲ ਬਾਰੇ ਵਾਰ ਵਾਰ ਪੁੱਛਣ ‘ਤੇ ਵਿਅਕਤੀ ਦੀ ਕੁੱਟਮਾਰ ਕੀਤੀ। ਵਿਅਕਤੀ ਰਾਹਤ ਫਹਿਤ ਨੂੰ ਬੇਨਤੀ ਕਰਦਾ ਨਜ਼ਰ ਆ ਰਿਹਾ ਹੈ ਕਿ ਉਸ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਦੂਜੇ ਸੀਨ ‘ਚ ਕੁਝ ਲੋਕ ਉਸ ਵਿਅਕਤੀ ਨੂੰ ਬਚਾਉਣ ਲਈ ਗਾਇਕ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰਦੇ ਨਜ਼ਰ ਆ ਰਹੇ ਹਨ। ਮਸ਼ਹੂਰ ਗਾਇਕ ਨੁਸਰਤ ਫਹਿਤ ਅਲੀ ਖਾਨ ਦੇ ਭਜੀਤੇ ਰਾਹਤ ਫਹਿਤ ਅਲੀ ਖਾਨ ਨੇ ਇਕ ਜਾਰੀ ਕਰਕੇ ਸਪੱਸ਼ਟੀਕਰਨ ਦਿੱਤਾ ਹੈ। ਉਸਨੇ ਕਿਹਾ,‘‘ਇਹ ਉਸਤਾਦ ਅਤੇ ਉਸਦੇ ਸ਼ਾਗਿਰਦ ਅਧਿਆਪਕ ਅਤੇ ਚੇਲੇ ਵਿੱਚਕਾਰ ਇੱਕ ਨਿੱਜੀ ਮਾਮਲਾ ਸੀ। ਰਾਹਤ ਫਤਿਹ ਅਲੀ ਖਾਨ ਨੇ ਕਿਹਾ ਕਿ ਘਟਨਾ ਤੋਂ ਬਾਅਦ ਉਨ੍ਹਾਂ ਨੇ ਉਨ੍ਹਾਂ ਤੋਂ ਮੁਆਫ਼ੀ ਵੀ ਮੰਗ ਲਈ ਹੈ। ਵੀਡੀਓ ਵਿੱਚ, ਜਿਸ ਵਿਅਕਤੀ ਨੂੰ ਕੁੱਟਿਆ ਗਿਆ ਸੀ, ਉਸ ਨੇ ਮੰਨਿਆ ਕਿ ਉਸਨੇ ਪਵਿੱਤਰ ਪਾਣੀ ਵਾਲੀ ਇੱਕ ਬੋਤਲ ਗੁਆ ਦਿੱਤੀ ਸੀ,ਜਿਸ ਕਾਰਨ ਇਹ ਘਟਨਾ ਵਾਪਰੀ। ਮੁੰਡੇ ਨੇ ਕਿਹਾ,‘‘ਉਹ ਮੇਰੇ ਪਿਤਾ ਵਾਂਗ ਹਨ । ਉਹ ਸਾਨੂੰ ਬਹੁਤ ਪਿਆਰ ਕਰਦੇ ਹਨ। ਜੋ ਵੀ ਇਸ ਵੀਡੀਆ ਨੂੰ ਫੈਲਾਉਂਦਾ ਹੈ, ਉਹ ਮੇਰੇ ਗੁਰੂ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।’’ ਲੜਕੇ ਦੇ ਪਿਤਾ ਨੇ ਵੀ ਕੱਵਾਲੀ ਦੇ ਖੇਤਰ ਵਿੱਚ ‘ਉਸਤਾਦ ਤੇ ਸ਼ਾਗਿਰਦ’ ਦੇ ਰਿਸ਼ਤੇ ਨੂੰ ਉਜਾਗਰ ਕਰਦਿਆਂ ਰਾਹਤ ਫਤਿਹ ਅਲੀ ਖਾਨ ਦਾ ਸਮਰਥਨ ਕੀਤਾ ਅਤੇ ਕਿਹਾ ਕਿ ਅਜਿਹਾ ਉਸਤਾਦ ਅਤੇ ਸ਼ਗਿਰਦ ਵਿਚਕਾਰ ਹੁੰਦਾ ਹੈ। ਹਾਲਾਂਕਿ ਰਾਹਤ ਫਤਿਹ ਅਲੀ ਖਾਨ ਦੇ ਇਸ ਰਵੱਈਏ ਦੀ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਆਲੋਚਨਾ ਹੋ ਰਹੀ ਹੈ।