ਸ਼੍ਰੀ ਮੁਕਤਸਰ ਸਾਹਿਬ, ਸ਼੍ਰੀ ਅੰਮ੍ਰਿਤਸਰ ਸਾਹਿਬ : ਕੋਰੋਨਾ ਦੇ ਬਾਅਦ ਹੁਣ ਬਲੈਕ ਫੰਗਸ Black Fungus ਦੇ ਮਾਮਲੇ ਤੇਜ਼ੀ ਨਾਲ ਵੱਧ ਰਹੇ ਹਨ। ਇਹ ਹਾਲ ਇਕੱਲੇ ਪੰਜਾਬ ਦਾ ਨਹੀਂ ਸਗੋਂ ਪੂਰੇ ਦੇਸ਼ ਵਿਚ ਹੀ ਬਲੈਕ ਫ਼ੰਗਸ ਤੇਜੀ ਨਾਲ ਫ਼ੈਲ ਰਿਹਾ ਹੈ। ਤਾਜ਼ਾ ਮਿਲੀ ਜਾਣਕਾਰੀ ਮੁਤਾਬਕ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਇਕ ਬਜ਼ੁਰਗ ਜੋ ਕਿ ਕੋਰੋਨਾ ਤੋਂ ਪੀੜਤ ਸੀ ਅਤੇ ਬਾਅਦ ਵਿਚ ਉਸ ਨੂੰ ਬਲੈਕ ਫ਼ੰਗਸ ਦੀ ਬਿਮਾਰੀ ਹੋ ਗਈ ਸੀ ਜਿਸ ਕਾਰਨ ਉਸ ਦੀ ਅੱਜ ਮੌਤ ਹੋ ਗਈ ਹੈ। ਇਸ ਦੇ ਨਾਲ ਹੀ ਅੰਮ੍ਰਿਤਸਰ ’ਚ ਤਿੰਨ ਹੋਰ ਨਵੇਂ ਮਰੀਜ਼ ਬਲੈਕ ਫੰਗਸ ਦੇ ਮਰੀਜ਼ ਮਿਲੇ ਹਨ। ਜਦੋਂਕਿ ਇਸ ਤੋਂ ਪਹਿਲਾਂ 9 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਨ੍ਹਾਂ ’ਚ 6 ਔਰਤਾਂ ਵੀ ਸ਼ਾਮਲ ਹਨ। ਇਹ ਸਾਰੇ ਮਰੀਜ਼ ਕੋਰੋਨਾ ਇਨਫ਼ੈਕਟਿਡ ਦੇ ਬਾਅਦ ਬਲੈਕ ਫੰਗਸ ਦਾ ਸ਼ਿਕਾਰ ਬਣੇ ਹਨ। ਜਾਣਕਾਰੀ ਅਨੁਸਾਰ ਕੋਰੋਨਾ ਵਾਇਰਸ ਦੀ ਲਪੇਟ ’ਚ ਆਉਣ ਵਾਲੇ ਸ਼ੂਗਰ ਅਤੇ ਸਟੀਲ ਰਾਇਟ ਜ਼ਿਆਦਾ ਲੈਣ ਵਾਲੇ ਮਰੀਜ਼ ਜ਼ਿਆਦਾਤਰ ਬਲੈਕ ਫੰਗਸ ਦੇ ਸ਼ਿਕਾਰ ਹੋ ਰਹੇ ਹਨ।
ਅੰਮ੍ਰਿਤਸਰ ਵਿਚ ਮਿਲੇ ਮਰੀਜ਼ਾਂ ’ਚ 34 ਸਾਲਾ ਇਕ ਵਿਅਕਤੀ ਵੀ ਸ਼ਾਮਲ ਹੈ, ਜਦੋਂ ਕਿ 43 ਸਾਲ ਦੇ ਦੋ। ਇਸ ਦੇ ਇਲਾਵਾ ਬਾਕੀ ਸਾਰੇ 50 ਤੋਂ 70 ਉਮਰ ਵਰਗ ਦਰਮਿਆਨ ਦੇ ਹਨ ਅਤੇ ਸਾਰੇ ਸ਼ੂਗਰ ਤੋਂ ਵੀ ਪੀੜਤ ਹਨ। ਸਾਰੇ ਮਰੀਜ਼ਾਂ ਦੀ ਅੱਖ, ਨੱਕ ਦੇ ਵਿਚਕਾਰ ਹਿੱਸੇ ’ਚ ਸਥਿਤ ਹੱਡੀ ਜਿਸ ਨੂੰ ਆਰਬਿਟ ਕਿਹਾ ਜਾਂਦਾ ਹੈ ਉਸ ’ਚ ਫੰਗਸ ਹੈ। ਇਸਦੇ ਵਧੀਕ ਸਾਇਨਸ ਵੀ ਇਨਫ਼ੈਕਟਿਡ ਹੋ ਚੁੱਕਾ ਹਨ। ਫ਼ਿਲਹਾਲ ਇਨ੍ਹਾਂ ਦਾ ਇਲਾਜ ਜਾਰੀ ਹੈ। ਤਿੰਨ ਮਰੀਜ਼ਾਂ ਦੀ ਅੱਖਾਂ ਦੀ ਰੌਸ਼ਨੀ ਜਾ ਚੁੱਕੀ ਹੈ।
ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਮੁਤਾਬਕ, ਕੁਝ ਖਾਸ ਕੰਡੀਸ਼ਨ ’ਚ ਹੀ ਕੋਰੋਨਾ ਮਰੀਜ਼ਾਂ ’ਚ ਮਿਊਕਰ ਮਾਈਕੋਸਿਸ ਦਾ ਖ਼ਤਰਾ ਵਧਦਾ ਹੈ। ਬੇਹਤਾਸ਼ਾ ਡਾਈਬਿਟੀਜ, ਸਟੇਰਾਇਡ ਦੀ ਵਜ੍ਹਾ ਨਾਲ ਕਮਜ਼ੇਰ ਇਮੀਊਨਿਟੀ , ਲੰਬੇ ਸਮੇਂ ਤੱਕ ਆਈ. ਸੀ. ਯੂ. ਜਾਂ ਹਸਪਤਾਲ ’ਚ ਦਾਖਲ ਰਹਿਣਾ, ਕਿਸੇ ਹੋਰ ਰੋਗ ਦਾ ਹੋਣਾ, ਪੋਸਟ ਆਰਗੇਨ ਟਰਾਂਸਪਲਾਂਟ, ਕੈਂਸਰ ਜਾਂ ਵੋਰੀਕੋਨਾਜੋਲ ਥੈਰੇਪੀ (ਗੰਭੀਰ ਫੰਗਲ ਇੰਫੇਕਸ਼ਨ ਦਾ ਇਲਾਜ) ਦੇ ਮਾਮਲੇ ’ਚ ਬਲੈਕ ਫੰਗਸ ਦਾ ਖ਼ਤਰਾ ਵੱਧ ਸਕਦਾ ਹੈ।