Friday, April 04, 2025
BREAKING NEWS
UK ਤੇ ਆਸਟ੍ਰੇਲੀਆ ਨੇ ਵਧਾਈ ਵੀਜ਼ਾ ਤੇ ਟਿਊਸ਼ਨ ਫੀਸਪੰਜਾਬੀ ਗਾਇਕ ਹੰਸ ਰਾਜ ਹੰਸ ਨੂੰ ਸਦਮਾ,ਪਤਨੀ ਦਾ ਹੋਇਆ ਦੇਹਾਂਤਮੋਹਾਲੀ ਅਦਾਲਤ ਨੇ ਪਾਸਟਰ ਬਜਿੰਦਰ ਨੂੰ ਸੁਣਾਈ ਉਮਰ ਕੈਦ ਦੀ ਸਜ਼ਾ ਪਟਿਆਲਾ ; ਬਾਦਸ਼ਾਹਪੁਰ ਪੁਲਿਸ ਚੌਂਕੀ ਨੇੜੇ ਧਮਾਕਾਪੰਜਾਬ ਰਾਜ ਬਿਜਲੀ ਰੈਗੂਲੇਟਰੀ ਕਮਿਸ਼ਨ ਵੱਲੋਂ ਵਿੱਤੀ ਸਾਲ 2025-26 ਲਈ ਬਿਜਲੀ ਦਰਾਂ ਜਾਰੀਮਾਂ ਚਰਨ ਕੌਰ ਨੇ ਨਿੱਕੇ ਸਿੱਧੂ ਦੇ ਪਹਿਲੇ ਜਨਮਦਿਨ ‘ਤੇ ਪਾਈ ਭਾਵੁਕ ਪੋਸਟਪੰਜਾਬ ਪੁਲਿਸ ਦੀ ਵੱਡੀ ਪ੍ਰਾਪਤੀ, ਸ਼ੀਹਾਂ ਦੌਦ ਬੱਚਾ ਅਗਵਾ ਕੇਸ 24 ਘੰਟਿਆਂ 'ਚ ਹੀ ਸੁਲਝਾਇਆਲੰਡਨ ‘ਚ ਭਾਰਤ ਦੇ ਵਿਦੇਸ਼ ਮੰਤਰੀ ਡਾ. ਐੱਸ ਜੈਸ਼ੰਕਰ ‘ਤੇ ਹਮਲੇ ਦੀ ਕੋਸ਼ਿਸ਼ਹੜਤਾਲ ‘ਤੇ ਗਏ ਮਾਲ ਅਧਿਕਾਰੀਆਂ ਨੂੰ ਮਾਨ ਸਰਕਾਰ ਦੀ ਚਿਤਾਵਨੀਤਹਿਸੀਲਦਾਰਾਂ ਦੀ ਹੜਤਾਲ ਵਿਚਾਲੇ CM ਮਾਨ ਪਹੁੰਚਣਗੇ ਖਰੜ ਤਹਿਸੀਲ

Articles

ਕਈ ਦਿਲ ਤੋੜਦੇ ਮੇਰਾ...

January 09, 2024 01:23 PM
ਸਟੇਟ ਐਵਾਰਡੀ ਮਾਸਟਰ ਸੰਜੀਵ ਧਰਮਾਣੀ
1. ਬਚਪਨ ਦੀਆਂ ਉਹ ਸਰਦੀਆਂ ਵੀ
ਬਹੁਤ ਹੁੰਦੀਆਂ ਸੀ ਨਿਆਰੀਆਂ ,
ਬੈਠ 'ਕੱਠੇ ਅੱਗ ਸੇਕਦੇ ਸੀ
ਤੇ ਧੁੱਪਾਂ ਲਗਦੀਆਂ ਸੀ ਪਿਆਰੀਆਂ...
2.ਸ਼ੀਸ਼ਾ ਤੇ ਦਿਲ ਟੁੱਟ ਕੇ ਕਦੇ ਜੁੜਦੇ ਨੀਂ
ਫੱਕਰ ਆਪਣੇ ਰਸਤੇ ਤੋਂ ਪਿੱਛੇ ਕਦੇ ਮੁੜਦੇ ਨੀਂ ,
ਜਿਹੜੇ ਕਹਿੰਦੇ ਸਾਡੇ ਬਿਨ੍ਹਾਂ ਕੰਮ ਨੀਂ ਸਰਨਾ ,
ਦੱਸ ਦੇਈਏ ਉਨ੍ਹਾਂ ਨੂੰ 
ਕਿ ਰੱਬ ਦੇ ਭਰੋਸੇ ਰਹਿਣ ਵਾਲਿਆਂ ਦੇ
ਆਸਰੇ ਕਦੇ ਥੁੜਦੇ ਨੀਂ...
3.ਉਹੀ ਛੇਤੀ ਥਿੜਕ ਜਾਂਦੇ 
ਜਿਹਨਾਂ ਨੇ ਔਖਾ ਸਮਾਂ ਨਹੀਂ ਦੇਖਿਆ ,
ਜਿਹੜੇ ਖੜ੍ਹੇ ਰਹੇ ਤੇਜ਼ ਤੂਫ਼ਾਨਾਂ ਅੱਗੇ 
ਉਹ ਛੇਤੀ ਦਰਕਦੇ ਨਹੀਂ ...
4.ਕਈ ਦਿਲ ਤੋੜ ਦਿੰਦੇ ਮੇਰਾ
ਕਈ ਕੱਢਦੇ ਕਸੂਰ ਵੀ ਮੇਰਾ , 
ਪਰ ਜਿੰਨਾ ਵੀ ਕੀਤਾ ਤੇ ਜਿਸਦਾ ਵੀ ਕੀਤਾ ,
ਕੀਤਾ ਹੱਦੋਂ ਵੱਧਕੇ ਵਧੇਰਾ...
5.ਜਿਸ ਬੰਦੇ ਦਾ ਕੋਈ ਨਹੀਂ ਹੁੰਦਾ 
ਉਸਦਾ ਕੇਵਲ ਰੱਬ ਹੁੰਦਾ 
ਤੇ ਜਿਸਦਾ ਮਿੱਤਰੋ ਰੱਬ ਹੀ ਹੁੰਦਾ ,
ਉਸਦਾ ਫਿਰ ਕੰਮ ਸਭ ਹੁੰਦਾ ...
6.ਜਿਨ੍ਹਾਂ ਡੋਰਾਂ ਬਾਬੇ 'ਤੇ ਸੁੱਟੀਆਂ
ਸਮੱਸਿਆਵਾਂ ਉਨ੍ਹਾਂ ਦੀਆਂ ਸਭ ਮੁੱਕੀਆਂ ,
ਕਰ ਲਓ ਭਰੋਸਾ ਪੌਣਾਹਾਰੀ ਬਾਬੇ 'ਤੇ
ਆਫ਼ਤਾਂ ਕਦੇ ਨਾ ਉਨ੍ਹਾਂ ਅੱਗੇ ਢੁੱਕੀਆਂ...
7.ਪੁੱਛੀਂ ਨਾ ਮੇਰੇ ਦੁੱਖਾਂ ਦੀ ਕਹਾਣੀ
ਤੇਰੀਆਂ ਅੱਖਾਂ 'ਚ ਆ ਜਾਣਾ ਪਾਣੀ ,
ਬੱਸ ! ਕੁਝ ਅਜਿਹੀ ਹੀ ਹੈ 
ਮੇਰੀ ਤੇ ਮੇਰੀ ਜ਼ਿੰਦਗੀ ਦੀ ਕਹਾਣੀ ...
8.ਮੈਂ ਜਿੱਥੇ ਹਾਂ 
ਮੈਨੂੰ ਰਹਿਣ ਦਿਓ ,
ਮੇਰੇ ਵਿਰੁੱਧ ਜੋ ਕਹਿੰਦਾ
ਉਸਨੂੰ ਕਹਿਣ ਦਿਓ...
9.ਥਾਂ  - ਥਾਂ ਲੱਗ ਗਏ ਸੀ.ਸੀ.ਟੀ.ਵੀ. ਕੈਮਰੇ 
ਨਹੀਂ ਰਿਹਾ ਮਨੁੱਖ ਨੂੰ ਮਨੁੱਖ 'ਤੇ ਵਿਸ਼ਵਾਸ ,
ਜਦ ਆਪਣੇ ਹੀ ਸਾਥ ਛੱਡ ਜਾਣ 
ਤਾਂ ਹੋਰ ਕਿਸ 'ਤੇ ਰੱਖਣੀ ਆਸ...
10. ਜ਼ਿੰਦਗੀ ਵਿੱਚ ਜਿਵੇਂ ਖੁਸ਼ੀ ਜ਼ਰੂਰੀ 
ਉਵੇਂ ਹੀ ਸਮਝੋ ਦੂਜੇ ਦੀ ਮਜ਼ਬੂਰੀ ,
ਬਹੁਤਾ ਰੋਅਬ ਜਮਾਓ ਨਾ ,
ਨਹੀਂ ਤਾਂ ਵੱਧ ਜਾਂਦੀ ਦੂਰੀ...
11.ਕਲਪਨਾ ਵਿੱਚ ਰਹਿੰਦੇ ਆਂ
ਬਹੁਤ ਕੁਝ ਸਹਿੰਦੇ ਆਂ ,
ਆਪਣਿਆਂ ਨਾਲੋਂ ਤਾਹੀਓਂ ਤਾਂ 
ਬੇਗਾਨਿਆਂ ਕੋਲ ਬਹਿੰਦੇ ਆਂ..
12.ਜਦੋਂ ਮਾਰ ਪੈਂਦੀ ਤਾਂ ਸਭ ਪਾਸਿਓਂ ਪੈਂਦੀ 
ਵਖਤ ਦੀ ,  ਸਥਾਨ ਦੀ ਤੇ ਯਾਰ ਦੀ ,
ਪਰ ਫਿਰ ਵੀ ਜੋ ਰੱਬ ਆਸਰੇ ਰਹਿੰਦਾ ,
ਕਦੇ ਉਸਦੀ ਕਿਸਮਤ ਨਹੀਂ ਹਾਰਦੀ...
ਸਟੇਟ ਐਵਾਰਡੀ ਮਾਸਟਰ ਸੰਜੀਵ ਧਰਮਾਣੀ ( ਪ੍ਰਸਿੱਧ ਲੇਖਕ - ਸ਼੍ਰੀ ਅਨੰਦਪੁਰ ਸਾਹਿਬ )
ਸਾਹਿਤ ਵਿੱਚ ਕੀਤੇ ਕਾਰਜਾਂ ਲਈ ਲੇਖਕ ਦਾ ਨਾਂ ਇੰਡੀਆ ਬੁੱਕ ਆੱਫ਼ ਰਿਕਾਰਡਜ਼ ਵਿੱਚ ਦਰਜ ਹੈ )
9478561356 

Have something to say? Post your comment