ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਨੇ ਰਚਿਆ ਤੀਜਾ ਵਿਆਹ

ਬ੍ਰਿਟੇਨ : ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਦੇ ਤੀਜੇ ਵਿਆਹ ਕਰਵਾਉਣ ਬਾਰੇ ਖ਼ਬਰਾਂ ਤਾਂ ਮਿਲ ਰਹੀਆਂ ਸਨ ਪਰ ਉਹ ਐਨੀ ਜਲਦੀ ਵਿਆਹ ਕਰਵਾ ਲੈਣਗੇ ਇਸ ਦਾ ਅਤਾ ਪਤਾ ਵੀ ਨਹੀਂ ਸੀ। ਤਾਜ਼ਾ ਮਿਲੀ ਜਾਣਕਾਰੀ ਅਨੁਸਾਰ ਜਾਨਸਨ ਨੇ ਬਿਨਾਂ ਕਿਸੇ ਨੂੰ ਦੱਸੇ ਅਚਾਨਕ ਹੀ ਵਿਆਹ ਕਰਵਾ ਲਿਆ ਤਾਂ ਸਾਰਿਆਂ ਨੂੰ ਇਕ ਵਾਰ ਹੈਰਾਨੀ ਤਾਂ ਹੋਈ ਹੀ ਹੋਵੇਗੀ। 56 ਸਾਲਾ ਬੋਰਿਸ ਜਾਨਸਨ ਨੇ ਆਪਣੀ ਮੰਗੇਤਰ ਕੈਰੀ ਸਾਇਮੰਡਜ਼ ਜੋ ਕਿ ਜਾਨਸਾਨ ਤੋਂ 23 ਸਾਲ ਛੋਟੀ ਹੈ ਨਾਲ ਅੱਜ ਵਿਆਹ ਰਚਾ ਲਿਆ ਹੈ। ਖਬਰਾਂ ਅਨੁਸਾਰ ਇਸ ਵਿਆਹ ਵਿੱਚ ਦੋਵੇਂ ਪਰਿਵਾਰਕ ਮੈਂਬਰ ਅਤੇ ਕੁਝ ਕਰੀਬੀ ਦੋਸਤ ਸ਼ਾਮਲ ਸਨ। ਰਿਪੋਰਟਾਂ ਦੇ ਅਨੁਸਾਰ, ਆਖਰੀ ਪਲ ਵਿੱਚ ਕੇਂਦਰੀ ਲੰਡਨ ਵਿੱਚ ਵਿਆਹ ਸਮਾਰੋਹ ਵਿੱਚ ਮਹਿਮਾਨਾਂ ਨੂੰ ਬੁਲਾਇਆ ਗਿਆ ਸੀ। ਕੋਰੋਨਾ ਵਾਇਰਸ ਦੇ ਮੱਦੇਨਜ਼ਰ, ਸਿਰਫ 30 ਲੋਕਾਂ ਨੂੰ ਇੰਗਲੈਂਡ ਵਿੱਚ ਵਿਆਹਾਂ ਵਿੱਚ ਸ਼ਾਮਲ ਹੋਣ ਦੀ ਆਗਿਆ ਹੈ। ਇਸ ਤੋਂ ਪਹਿਲਾਂ 30 ਜੁਲਾਈ 2022 ਨੂੰ ਉਨ੍ਹਾਂ ਦੇ ਵਿਆਹ ਦੀ ਗੱਲ ਹੋ ਰਹੀ ਸੀ ਅਤੇ ਇਸ ਲਈ ਜਾਨਸਨ ਅਤੇ ਕੈਰੀ ਨੇ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨੂੰ ਵਿਆਹ ਵਿੱਚ ਸ਼ਾਮਲ ਹੋਣ ਲਈ ਭੇਜਿਆ ਸੀ। ਜੌਹਨਸਨ ਨੇ ਕੈਰੀ ਨੂੰ ਉਸ ਸਮੇਂ ਪ੍ਰਪੋਜ਼ ਕੀਤਾ ਜਦ ਉਹ ਮਸਟੀਕ ਵਿਚ ਛੁੱਟੀਆਂ ਮਨਾ ਰਹੀ ਸੀ। ਇਹ ਬੋਰਿਸ ਜੌਨਸਨ ਦਾ ਤੀਜਾ ਵਿਆਹ ਹੈ। ਉਸਨੇ ਆਪਣੀ ਦੂਜੀ ਪਤਨੀ ਮਰੀਨਾ ਵ੍ਹੀਲਰ ਨੂੰ 2018 ਵਿੱਚ ਤਲਾਕ ਦੇ ਦਿੱਤਾ। ਬੋਰਿਸ ਅਤੇ ਕੈਰੀ ਸਾਇਮੰਡਜ਼ ਦਾ ਇਕ ਪੁੱਤਰ, ਵਿਲਫ੍ਰੈਡ ਹੈ, ਦਾ ਜਨਮ ਅਪ੍ਰੈਲ 2020 ਵਿਚ ਹੋਇਆ ਸੀ।