ਵਿਨੇ ਜਿੰਦਲ ਰੋਟਰੀ ਕਲੱਬ ਸਟਾਰ ਦੇ ਸੈਕਟਰੀ ਬਣੇ 

 

ਸੁਨਾਮ : ਰੋਟਰੀ ਕਲੱਬ ਸੁਨਾਮ ਸਟਾਰ ਦਾ ਤਾਜਪੋਸ਼ੀ ਅਤੇ ਪਰਿਵਾਰਕ ਮਿਲਣੀ ਸਮਾਰੋਹ ਪ੍ਰਧਾਨ ਅਵਿਨਾਸ਼ ਕੁਮਾਰ ਅਤੇ ਪ੍ਰਾਜੈਕਟ ਚੇਅਰਮੈਨ ਸੌਰਬ ਬਾਂਸਲ ਅਤੇ ਰਿਸ਼ਵ ਗਰਗ ਦੀ ਅਗਵਾਈ ਵਿੱਚ ਕਰਵਾਇਆ ਗਿਆ। ਇਸ ਸਮਾਰੋਹ ਵਿੱਚ ਅਸਿਸਟੈਂਟ ਗਵਰਨਰ (ਰੋਟਰੀ ਡਿਸਟ੍ਰਿਕਟ 3090) ਰੋਟੇਰੀਅਨ ਸੰਜੇ ਸ਼ਰਮਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਸਮਾਰੋਹ ਦੀ ਸ਼ੁਰੂਆਤ ਰਾਸ਼ਟਰੀ ਗਾਣ ਨਾਲ ਕੀਤੀ ਗਈ। ਸਾਬਕਾ ਪ੍ਰਧਾਨ ਹਨੀਸ਼ ਸਿੰਗਲਾ ਵਲੋਂ ਮੁੱਖ ਮਹਿਮਾਨ ਅਤੇ ਮੈਂਬਰਾਂ ਦਾ ਸਵਾਗਤ ਕੀਤਾ ਗਿਆ। ਕਲੱਬ ਸੈਕਟਰੀ ਯਦੂਨੰਦਨ ਗਰਗ ਵਲੋਂ ਬੀਤੇ ਸਾਲ ਦੀ ਰਿਪੋਰਟ ਪੇਸ਼ ਕੀਤੀ ਗਈ। ਪ੍ਰਧਾਨ ਅਵਿਨਾਸ਼ ਕੁਮਾਰ ਵਲੋਂ ਆਪਣੇ ਕਾਰਜਕਾਲ ਵਿੱਚ ਕੀਤੇ ਗਏ ਕੰਮਾਂ ਨੂੰ ਕਵਿਤਾ ਦੇ ਰੂਪ ਵਿਚ ਪੇਸ਼ ਕੀਤਾ। ਇਸ ਤੋਂ ਬਾਅਦ ਮੁੱਖ ਮਹਿਮਾਨ ਸੰਜੇ ਸ਼ਰਮਾ ਅਤੇ ਪ੍ਰਧਾਨ ਅਵਿਨਾਸ਼ ਕੁਮਾਰ ਵਲੋਂ ਕਲੱਬ ਦੇ ਨਵੇਂ ਚੁਣੇ ਗਏ ਪ੍ਰਧਾਨ ਰੋਟੇਰੀਅਨ ਨਿਤਿਸ਼ ਗਰਗ ਨੂੰ ਕਾਲਰ ਪਹਿਨਾਕੇ ਜਿੰਮੇਵਾਰੀ ਸੌਂਪੀ ਗਈ। ਨਵ ਨਿਯੁਕਤ ਪ੍ਰਧਾਨ ਨਿਤਿਸ਼ ਗਰਗ ਵਲੋਂ ਉਸ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਨ ਲਈ ਸਾਰੇ ਮੈਂਬਰਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਹ ਸਾਰੇ ਮੈਂਬਰਾਂ ਦੇ ਸਹਿਯੋਗ ਨਾਲ ਸਮਾਜ ਦੀ ਭਲਾਈ ਲਈ ਕੰਮ ਕਰਨਗੇ। ਨਿਤਿਸ਼ ਗਰਗ ਨੇ ਆਪਣੀ ਟੀਮ ਦਾ ਐਲਾਨ ਕਰਦੇ ਹੋਏ ਵਿਨੇ ਜਿੰਦਲ ਨੂੰ ਸੈਕਟਰੀ, ਸ਼ੁਸੀਲ ਬਾਂਸਲ ਕੈਸ਼ੀਅਰ, ਮੋਹਿਤ ਜਿੰਦਲ ਵਾਇਸ ਪ੍ਰਧਾਨ, ਜਤਿੰਦਰ ਗੋਇਲ ਜੁਆਇੰਟ ਸੈਕਟਰੀ, ਚੰਦਰ ਗੋਇਲ ਲੀਗਲ ਅਡਵਾਈਜ਼ਰ, ਅਰਸ਼ਦੀਪ ਭਾਰਦਵਾਜ ਸਾਰਜੈਂਟ ਅਤੇ ਰਾਜ ਬਾਂਸਲ ਨੂੰ ਗਰੀਟਿੰਗ ਚੇਅਰਮੈਨ ਵਜੋਂ ਸ਼ਾਮਿਲ ਕੀਤਾ। ਮੁੱਖ ਮਹਿਮਾਨ ਸੰਜੇ ਸ਼ਰਮਾ ਨੇ ਚੁਣੇ ਗਏ ਟੀਮ ਮੈਬਰਾਂ ਨੂੰ ਵਧਾਈ ਦਿੱਤੀ। ਪ੍ਰਧਾਨ ਨਿਤਿਸ਼ ਗਰਗ ਅਤੇ ਅਸਿਸਟੈਂਟ ਗਵਰਨਰ ਸ਼ਰਮਾ ਵਲੋਂ ਕਲੱਬ ਵਿੱਚ ਸ਼ਾਮਿਲ ਹੋਏ ਨਵੇਂ ਮੈਂਬਰ ਨਵੀਨ ਸਿੰਗਲਾ ਅਤੇ ਨਵੀਨ ਗਰਗ ਨੂੰ ਲੇਪਲ ਪਿੰਨ ਲਗਾਇਆ ਗਿਆ। ਰੋਟੇਰੀਅਨ ਹਨੀਸ਼ ਸਿੰਗਲਾ ਨੂੰ ਡਿਸਟ੍ਰਿਕਟ ਗਵਰਨਰ ਰੋਟੇਰੀਅਨ ਸੰਦੀਪ ਚੌਹਾਨ ਵਲੋਂ ਡਿਸਟ੍ਰਿਕਟ ਟੀਮ ਵਿੱਚ ਉਪ- ਚੇਅਰਮੈਨ ਚੁਣਨ ਲਈ ਸਨਮਾਨਿਤ ਕੀਤਾ ਗਿਆ। ਇਸ ਦੌਰਾਨ ਸਚਿਨ ਗਰਗ ਸਾਬਕਾ ਪ੍ਰਧਾਨ, ਮਨਦੀਪ ਗੋਇਲ, ਪੁਨੀਤ ਜਿੰਦਲ, ਦੀਪਕ ਸਿੰਗਲਾ, ਨਿਸ਼ਾਨ ਗਰਗ, ਆਕਾਸ਼ ਗਰਗ, ਰੋਬਿਨ ਜਿੰਦਲ, ਰਜਤ ਜੈਨ ਸ਼ੁਭਮ ਮਿੱਤਲ ਆਦਿ ਮੈਂਬਰ ਹਾਜ਼ਰ ਸਨ।