ਚੰਬਾ : ਹਿਮਾਚਲ ਦੇ ਚੰਬਾ ਇਲਾਕੇ ਵਿਚ ਅਚਾਨਕ ਬੱਦਲ ਫਟ ਗਿਆ ਜਿਸ ਕਾਰਨ ਚਾਰੇ ਪਾਸੇ ਪਾਣੀ ਹੀ ਪਾਣੀ ਹੋ ਗਿਆ। ਇਸ ਅਚਾਨਕ ਆਈ ਆਫ਼ਤ ਵਿਚ ਕਿਸਾਨਾਂ ਦੀਆਂ ਫ਼ਸਲਾਂ ਪਾਣੀ ਵਿਚ ਡੁੱਬ ਗਈਆਂ ਅਤੇ ਪਾਣੀ ਘਰਾਂ ਵਿਚ ਵੀ ਵੜ ਗਿਆ। ਦਸ ਦਈਏ ਕਿ ਚੰਬਾ ਦੇ ਇਲਾਕੇ ਮਹਿਲਾ ਦੇ ਪਿੰਡ ਕੁਨੇਡ ਵਿਚ ਅੱਜ ਤੜਕੇ ਹੀ ਬੱਦਲ ਫਟ ਗਿਆ ਅਤੇ ਲੋਕਾਂ ਨੂੰ ਭਾਰੀ ਮੁਸੀਬਤਾਂ ਦਾ ਸਹਮਣਾ ਕਰਨਾ ਪਿਆ। ਸੂਚਨਾ ਮਿਲਦੇ ਹੀ ਪ੍ਰਸ਼ਾਸਨ ਹਰਕਤ ਵਿਚ ਆ ਗਿਆ ਅਤੇ ਬਚਾਓ ਕਾਰਜ ਸ਼ੁਰੂ ਕਰ ਦਿਤੇ। ਜਾਣਕਾਰੀ ਅਨੁਸਾਰ ਸਥਾਨਕ ਸਰਕਾਰੀ ਅਧਿਕਾਰੀਆਂ ਨੇ ਦਸਿਆ ਕਿ ਇਸ ਅਚਾਨਕ ਆਈ ਆਫ਼ਤ ਕਾਰਨ ਲੋਕਾਂ ਦਾ ਨੁਕਸਾਨ ਹੋਇਆ ਹੈ ਅਤੇ ਡੀਸੀ ਦੇ ਹੁਕਮਾਂ ਉਤੇ ਬਚਾਓ ਕਾਰਜ ਸ਼ੁਰੂ ਕਰ ਦਿਤੇ ਗਏ ਹਨ ਅਤੇ ਅਨੁਮਾਨ ਲਾਇਆ ਜਾ ਰਿਹਾ ਹੈ ਕਿ ਕਿਨਾਂ ਨੁਕਸਾਨ ਹੋਇਆ ਹੈ।