ਸੁਨਾਮ : ਸੂਬੇ ਦੀ ਭਗਵੰਤ ਮਾਨ ਸਰਕਾਰ ਵਿੱਚ ਕੀਤੇ ਫੇਰਬਦਲ ਵਿੱਚ ਵਿਧਾਨ ਸਭਾ ਹਲਕਾ ਲਹਿਰਾ ਤੋਂ ਵਿਧਾਇਕ ਐਡਵੋਕੇਟ ਬਰਿੰਦਰ ਕੁਮਾਰ ਗੋਇਲ ਦੇ ਕੈਬਨਿਟ ਮੰਤਰੀ ਬਣਨ ਦੀ ਖੁਸ਼ੀ ਵਿੱਚ ਸੁਨਾਮ ਦੀ ਅਨਾਜ਼ ਮੰਡੀ ਵਿਖੇ ਆੜਤੀਆ ਐਸੋਸੀਏਸ਼ਨ ਸੁਨਾਮ ਦੇ ਸਾਬਕਾ ਪ੍ਰਧਾਨ ਰਾਜਿੰਦਰ ਕੁਮਾਰ ਬੱਬਲੀ ਦੀ ਅਗਵਾਈ ਹੇਠ ਲੱਡੂ ਵੰਡਕੇ ਖੁਸ਼ੀ ਦਾ ਇਜ਼ਹਾਰ ਕੀਤਾ। ਇਸ ਮੌਕੇ ਆੜਤੀ ਆਗੂ ਰਾਜਿੰਦਰ ਕੁਮਾਰ ਬਬਲੀ ਨੇ ਕਿਹਾ ਕੇ ਬਰਿੰਦਰ ਗੋਇਲ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਅਤੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਵੱਲੋਂ ਦਿੱਤੀ ਜ਼ਿੰਮੇਵਾਰੀ ਨੂੰ ਬਾਖੂਬੀ ਨਿਭਾਉਣਗੇ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਇਮਾਨਦਾਰੀ ਨਾਲ ਸਿਆਸਤ ਕੀਤੀ ਹੈ ਅਤੇ ਭਵਿੱਖ ਵਿੱਚ ਵੀ ਇਮਾਨਦਾਰੀ ਨਾਲ ਸੇਵਾ ਨਿਭਾਉਣਗੇ। ਉਹ ਹਮੇਸ਼ਾ ਹੀ ਪੰਜਾਬ ਅਤੇ ਪੰਜਾਬੀਅਤ ਨੂੰ ਸਮਰਪਿਤ ਰਹੇ ਹਨ । ਬਰਿੰਦਰ ਗੋਇਲ ਦੇ ਮੰਤਰੀ ਬਣਨ ਨਾਲ ਜਿੱਥੇ ਲਹਿਰਾਗਾਗਾ ਦੇ ਲੋਕਾਂ ਦਾ ਮਾਣ ਵਧਿਆ ਹੈ ਉੱਥੇ ਅਗਰਵਾਲ ਭਾਈਚਾਰੇ ਦਾ ਮਾਣ ਵੀ ਵਧਿਆ ਹੈ ।ਇਸ ਮੌਕੇ ਤਰਸੇਮ ਸਿੰਘ ਕੁਲਾਰ,ਅਮਰੀਕ ਸਿੰਘ ਧਾਲੀਵਾਲ,ਰਾਜੇਸ ਕੁਮਾਰ ਕਾਲਾ,ਰਾਜਨ ਗੋਇਲ ਪ੍ਰਧਾਨ,ਧਰਮ ਪਾਲ, ਹਰਮੇਸ਼ ਕੁਮਾਰ ਮੇਸ਼ੀ, ਸ਼ਿਵ ਜੀ ਰਾਮ, ਆਸ਼ੂ ਗੁਪਤਾ,ਨਰਿੰਦਰ ਕੁਮਾਰ ਸਤੌਜੀਆ, ਆਸੂ ਗੋਇਲ ਕੌਂਸਲਰ,ਮਨਪ੍ਰੀਤ ਬਾਂਸਲ,ਰਾਕੇਸ ਕੁਮਾਰ ਕਾਕਾ,ਅਮੋਲਕ ਸਿੰਘ ਸਿੱਧੂ,ਪ੍ਰਨੀਤ ਸਿੰਘ ਸਲਵੀ, ਰਿਸ਼ੂ ਕਤਿਆਲ, ਰਾਮ ਫਲ,ਰਾਜੂ ਕਤਿਆਲ,ਅਸ਼ਵਨੀ ਕੁਮਾਰ,ਸੰਦੀਪ ਕੁਮਾਰ,ਗੋਲਡੀ ਕੁਮਾਰ, ਨਰਾਇਣ ਕੁਮਾਰ,ਜੀਵਨ ਕੁਮਾਰ,ਕੀਰਤੀ ਪ੍ਰਸ਼ਾਦ ਅਤੇ ਗਿਆਨ ਚੰਦ ਆਦਿ ਆੜਤੀ ਹਾਜ਼ਰ ਸਨ।